حكايتنا بقلم سمير الفرحاني

حكايتنا يا بنيّة وفات /علاش تحكي عليها تجنّبها

وجمرة المحبة إلي طفات / علاش تنفخ فيها تلهّبها

...

جدّد حبك انسى ايامي / فارقني وإمّن بالمكتوب 

قلبي جفاك مات غرامي / ملي شفته فيك عيوب 

انساني اسمع كلامي /  يزّيك ما لميت ذنوب 

من قهري وظلمي وألامي/ واطلب ربي عليك يتوب 

....

في جناني كالوردة زرعتك / و عطيتك قلبي يرعاك

لا خذلتك مرّة لا وجعتك /لا خنتك لا غلطت معاك 

نلوم على روحي طاوعتك / وسايرت دلالك وهواك  

وعطيتك وذني وسمعتك / صدّقت دموعك وبكاك 

.....

طلبت فرصة عطيتك عشرة/ وانت شي ماتبدّل فيك

نسامح ونخزر للعشرة / ياخسارة سماحي ليك

قلبي إلي مرجته بالغصرة/ماعادش يصفى ويرضى عليك 

باع حبك لا ندم لا حسرة / نموت وما نداويهش بيك