سامورك وقاد بقلم فاروق الجعيدي

___________# سٓامُورِكْ وٓڨّٓادْ #

ڨدّ السّرول ريم غزاله

والحاجب صيّادْ

حليل ڨلبي مريّض في حاله

من حبّك سُعادْ

يا طفله

سامورك وٓڨّادْ

ساموركْ ناره شعّاله

رموشكْ تذبحني ڨتّاله

ما نعرف نوم الڨيّاله

والحرمان حصادْ

ڨولي للعين الذبّاله

تعطيني ميعادْ

ها ويلي

ساموركْ وٓڨّادْ

سعاد عيونكْ خمريّه

تحت الحاجب شبُّوا فيّٓ

حاير ما دلّيتْ ثنيّٓه

على حُوشكْ نشّادْ

اعطف حنّ وروف شويّٓه

يا امّ الڨلب رْشادْ

يا لِلّٓه

ساموركْ وٓڨّٓادْ

مفتون بحبّك يا لِلّٓه

ما احلى زولكْ سمح الطّلّٓه

نعشڨ بستانك والغلّٓه

رُمّانكْ وٓسّٓادْ

داويلي ڨلبي م العلّٓه

ما تشمِّتْ حُسّٓادْ

يا بنيّٓه

ساموركْ وٓڨًٓادْ

# بقلم : فاروق الجعيدي #

عـــــــاشق اليــــــاسمين