زيد أغزرلي بقلم فاروق الجعيدي
زيد اغزرلي
ما احلى عيُونك طير البُرني
سفّاحه رموشك ذبّاحه
ونا عاشڨ واش يصبّرني
زيــــــد يا طفله زيــــــد اغزرلي
نا عاشڨ ڨلبي محروڨ
في السّالف تحت البخنوڨ
كاويني في الجـاش حروڨ
وم الحـاجــب ربّـي يستــرني
زيــــــد يا طفله زيــــــد اغزرلي
نا عاشڨ والبُعد كواني
دايٓ مــن حبّك دخــلاني
يا مضحك جُــوهــر رُمّاني
ما اڨــواه غــرامك درولني
هيّــا باللّهْ زيــــــــــد اغــــــزرلي
عـاشڨ حرڨوسك والحنّه
وما احلى خلخالك والرّنّه
اخراص على خُدِّين حمامْ
وفرده ع المعصم تسحرني
زيــــــد يا طفله زيــــــد اغزرلي
# بقلم : فاروق الجعيدي #
تعليقات
إرسال تعليق