بقلم عبدالجليل عواسي

قالقْ ... و متفرْهدْ

متغشّشْ...و فرحانْ

و مهمومْ ... مِتنرفزْ

على وِسْعْ بالي !

أنا التونسي اليومْ

     مفجوعْ ... مطمانْ 

            و لا نعرف اشكونْ

                          يعْرف أحْوالي !

قدّاش من بابْ

      بالموتْ مليانْ

          و قدّاش منْ شرْ

                        م الخِيرْ  خالي !

و قدّاش منْ بومْ

         محتلْ وديانْ

           و قدّاش منْ  صقرْ

                        عِ الوكرْ جالي ! 

الناس كالحوتْ

        في وسط طوفانْ

             الميتْ يدفن الحيْ

                          و الموجْ عالي  ! 

يا الله يا خالق

         الإنسْ و الجانْ

              رُحماكْ  يا ربْ

                       ها الوَطْنْ غالي .