جندى من أقوى الجنود.. مسعود أبوزيد..

كنت واقف ع الحدود..

جندى من أقوى الجنود..

بحمى بلدى من اﻵعادى.

بأمر ربنا المعبود.

واقف فى الصحرا مابخفش..

عنيا صاحيه مابتنمش..

دا وطنى الغالى على قلبى..

رساله للى مايعرفش..

واقف أكشف اﻷعادى..

من الساعه دى للساعه دى..

غدر بى واحد من بلادى..

فى حب مصر ما يفهمش..

لسه فيه فى وطنى خاين..

عايش بنا ومش باين....

بيدبر لجيشنا كماين....

ماهو بايع مالهوش ضمير....

ياللى بعت ياوطى بلدك....

هو مين بيعلى علمك....

هو مين بالقوه عزك....

هو مين خلاك كبير.....

مهما تعمل مش هاسيبه...

دا جيش بلادى اللى بيحمينى.

لو تعيش عمرك تخونه..

هقضى فيه زهرة سنينى..